SILSILAH/LEGENDA TOGA SAMOSIR (RAJASONANG)

 SILSILAH/LEGENDA TOGA SAMOSIR (RAJASONANG)

SILSILAH/TAROMBO
TOGA SAMOSIR (RAJA SONANG)

@ RAJA LONTUNG
1.SITUMORANG , 2.TOGA SINAGA, 3.TOGA PANDIANGAN , 4.SIMATUPANG, 5.SIREGAR , 6.ARITONANG
7.SI BORUPANGGABEAN (SIMAMORA & SIHOMBING

   @ TOGA PANDIANGAN
1.GURU MOMBANGPILIAN (DATU RONGGUR)

    @ GURU MOMBANGPILIAN (DATU RONGGUR)
1.SUHUT NIHUTA 2.PANDE 3.GURU SOLANDASON

    @ GURU SOLANDASON
1.PARHUTALA

    @PARHUTALA
1.RAJA HUMIRTAP, 2.TOGA SAMOSIR, 3.SI BORUSARODING, 4.SI BORUNAHUMOT, 5.SI BORUMENAHENAK,

Songononma turi turianna/ceritana
Ianggo parhutala, leleng do marsahit sahit ibana, Dung dihilala na jonok nama ajalna,martona ma ibana tu anakna na dua i,ninna ma: “Ia ahu laho jonok nama ajalhu, onpe molo naeng gabe hamu, marsada ni roha ma hamu. Pajongjong hamu ma sada ruma parsaktian .”
Ndang sadia leleng nari siani mate ma ibana,(parhutala). Jadi dung mate parhutala di dok anggina si toga samosir ma tu hahana raja humirtap (pandiangan), “tona ni da amang tu hita ikkon paulionta do ruma parsaktian asa gabe hita jala mamora. On pe marhobas ma hita paulihon.”
Na denggan do tutu tona ni da amangi pasautonta, alai naeng majolo marhasohotan iboto ta na tolu i, ninna si toga samosir. Ianggo iboto nasida na tolu i, na uli do rupana. Torop do anak ni halak manopot nasida alai ndang di oloi. Godang do na longan marnida pangalaho nasida, ai borngin na do martonun, alai arianna i holan na marpangir do tu mual manang tu tao,
Jadi roma sada bawa (sombaon /jelmahan) sian dolok ulu darat na margoar Guru sodungdangon manopot boru saroding. Ala di ida boru saroding sukkot ni hinauli ni guru sodungdangon pittor lomo ma rohana mangoloi hata ni guru sodungdangon, ai dang di boto na sombaon i.
Dung putus padan nasida di luahon guru sodungdangon ma boru saroding borngin nai, bulung ni sukkit do ianggo solu nasida, manaripari tao i, lao tu dolok uludarat. Dung rodi hutani guru sodungdangon longan ma boru saroding marnida dongan saripe nai. Ai arian na marrupahon ulok na bolon do ibana, jala marpat. Hape ia borngin na bawa na mauliutus do ianggo rupana.
Dung adng hira hira sabulan nari di luahon mangiringaji ma boru nahumot. Sombaon ni dolok janjiraja do ibana.
Dung adng sabulan nari di pudi ni i.di luahon guru saniangnagatunggal sombaon nadi pananggangan ma si boru menahenak. Sai ditikki borngin do parlao nasida jadi gabe dang adong na umbotosa pangisi ni luati.
Ia dung saep roha nasida mangalului iboto nasia i . saut ma nasida lao mangalap parhau ni ruma parsaktiani nanaeng si paulion nasida i.
Borhat ma nasida tu dolok ni ulu darat mangalap parhau i. Di tonga ni tombaki adong ma tarbege nasida sura ni baliga ni namartonun, jadi di pajonok nasida ma tusi, di ida nasida ma ibotona boru saroding do hape na martonun i, pittor makkatai ma nasida. Tangis ma boru saroding huhut di dok tu iboto nai,: hahuaon mai ito, nungnga i panjakkon ni si baran ku, na ikkon sombaon dongan saripekku. Marburu do numaeng ibana, di boan do babiat na dohot gompulna.
Ipe mulak ma hamu ito sotung di pangan hamu annon molo di dapot hamu dison.
Hape di namandok borhat dope nasida lao mulak nungnga pittor ro goppul ni guru sodungdangon di alaman.jadi mamoto ma rohani borusaroding, naung mulak do hape guru sodungdango sian parburuan, alani i di tabunihon si borusaroding ma ibotona dua i tu bukkulan huhut di orai asa unang makkati nasida.
Dungi di dapothon borusaroding ma guru sodungdangon tu alaman.
Alai ianggo guru sodungdangon nga di boto naung adng ro jolma manisia tu inganan nai umbaen pittor mulak ibna sian parburuan, alani i didok guru sodungdangon ma tu borusaroding. “Es.. songon na muap sidomdomulu hu anggo,
Ise do i? Dungi didok borusaroding ma mangalusi; ndang adngi!” roma guru sodungdangon mangalusi unang pola porso boru ni raja nami, molo na iboto ta do naro unang pola mabiar ho, dang pola hahuakku nasida. Porsea ma borusaroding umbege hatani guru sodungdangon i gabe di gabe di patudu ma ibotona dua i.
Jadi didok guru sodungdango ma tu nasida unang pola mabiar hamu lao manopot hami, ianggo sinamot ni iboto muna i nasai lehonokku doi tu hamu,
Umbege i pos ma roha nasida mambege hata ni lae nasida i laos di pabotohon ma nanaeng mangalap parhau do nasida ima nanaeng pauliho ruma parsaktian na tinonahon ni amatta nasida andorang di ngoluna.
Dungi di dok si toga samosir ma tu lae na ; on pe molo adng do nanaeng si patupaon mu rade do hami manjalo.
Dungi didok guru sodungdangon ma tu nasida, boi do urupanku hamu boan hamu ma hau dohot hotang si sanjokkal ondung sahat hamu rodi huta lotakkon hamu ma tu alaman, asa manjadi siani parhau dohot pangarahut ni ruma parsaktiani, laos di lehon ma tu nasida hunikbulle, sahajut dohot imbuli ni pinahan, usung hamu ma on! Ia dung sahat hamu di pasir muna ragehon hamu ma nadi bulubulu on alai ianggo nadi hajut ondungpe salpu pitu borngin asa boi sigaton mu,alai laho mamboan sude nai dang boi hamu mana ili tu pudi ninna guru sodungdangon ma tu nasida.
Ianggo si pandiangan manang raja humirtap dang di ingot tona ni guru sodungdangon i gabe dang manjadi songon na ni tonahon ni lae nai,
Alai ianggo si toga samosir ingodo ibana di tona ni lae na guru sodungdangon i, gabe manjadi do songon na nitonahon ni guru so dungdangon i, ia hau si sajokkal i gabe ganjang ganjang dohot hotang pe ganjang sesuai tu kebutuhan na naeng si pakkeon nasida tu ruma parsaktian i. Jadi di pauli nasida ma ruma parsaktiani dung sidung di pauli margondang ma nasida. Siarma nasida laos di podai ma nasida,ia si boru saroding tubu ma anak na sada laos sarupa do rupana tu guru sodungdangon gabe marsak situtuma borusaroding, jadi tubuma tu rohana naeng mulak tu huta ni ibotona,
Jadi didok borusaroding ma tu guru sodungdangon ; paborhat ma au tu huta ni ibotokku alana nga masihol au tu nasida,
Jadi di paborhat guru sodungdangon ma borusaroding doho mas jala bung ni sukkit do di baen soluna,dung di tonga tao i mamursik ma borusaroding tu pudi didok ma di bagasan rohana peh bursik maho tung naso jadi mulak be au ai hurippu hian do jolma hape begu so begu jolma so jolma doho ninna rohana.hape dung didok songoni gabe mogap ma solu nai dohot boru saroding, asa ima mulani sombaon margoar borusaroding holangholang ni sabulan dohot palipi.
Ia dung diboto si pandiangan naung gog mas ni si toga samosir jinalo nasida sian laena guru sodungdangon,
Di pangido ma deba alai dang olo si toga samosir mangalean, didok ma mangalusi sarupa do bagianta di lehon lae ta i, naso ingot di tona jala na tois di janji do ho umbaen dang jadi bagian mu jd onpe dang jadi lehonon ku tuho bagian kon.
Mulai sian ima di dok pangisi ni luat i si raja sonang imana ala nga gog artana pinahan dohot horbo na pe gog di bara,
Gabe di goari ma si toga samosir RAJA SONANG
Gabe tubu ma tu roha ni si pandiangan naeng pamatehon angiina si toga samosir, alai tarbotodo do tu boruna nanaeng seatonna nama angina si toga samosir, di paboa boru nai ma tu si toga samosir tahi ni amana si pandiangan nanaeng seatonna amanguda na i, jadi maporus ma si toga samosir doppak harian nainggolan laos matabuni disi,
Jala ima bossirna gabe mar boru hasian si raja sonang tu boru pandiangan.
Laos ido mulana di goari polau samosir alan si toga samosir do parjolo na pature ruma parsaktian di pulau i sahatiha i.
Jala na tarbarita hamoraonna di sandok lua i
Gabe di goari mai pulau samosir..

Ima naboi ni patorang tarsingot tu si raja sonang.

@TOGA SAMOSIR (GELAR RAJA SONANG)
1.TOGA GULTOM, 2.TOGA SIDARI (SAMOSIR),  3.TOGA PAKPAHAN, 4.TOGA SITINJAK,